談戀愛要好似揸股票

成日聽人講，股票唔可以當談戀愛咁處理，咁即係話股票呢樣野一向都喺手起刀落，唔拖泥帶水。調番轉，我地談戀愛為左保護自己，反而要學番揸股票的態度。

老生常談，但凡所謂喺股市有斬獲，一定要賣出咗，套咗現先算數。所有賬面上的利潤，其實你唔好好把握時間，可以好快就冇咗，特別係家陣大家重叫做身處後海嘯時期，市場上有太多有形之手在干預。內房股正係最佳例子，君不見內房股的股價由始至終都擺脫不了政府政策的左右嗎？有沒有想過，其實自己亦曾經手持不少可以令你獲利的股票，只是自己總是係佢升時唔捨得放，跌時唔甘心放，結果短炒變長揸。所以，炒股票係攞上手的一刻，已經要有心理準備隨時要放低。埋單計數，可能有賺，可能會蝕，但係過程中你都開心過。

何時放手，原來係一種藝術 ，談戀愛其實都係一樣。